Të Infektuar: 73.048

Të Shëruar: 61.986

Të Vdekur: 1.649

Busquets trashëgon fanellën e Puyolit

14:40 | 1 Gusht 2014

Fanella e Puyolit do t'i takojë Busquetsit

Carles Puyol është pensionuar si futbollist. Por, fanella e tij me numrin 5 do të vazhdojë të jetë aktive në Barcelonë. Ajo do t’i takojë Sergio Busquetsit.

Sezoni 2014-15 do të jetë i veçantë për Barcelonën edhe për faktin se nuk do të ketë më kapitenin historik Carles Puyol.

Qendërmbrojtësi i ka dhënë fund karrierës si futbollist por fanella e tij me numrin 5 do të vazhdojë të jetë në fushë.

Sipas uebfaqes zyrtare të Barcelonës, Sergio Busquets do ta trashëgojë fanellën e Puyolit duke e braktisur numrin 16 të cilin e ka bartur deri më tani në uniformën e gjigantit katalan.

“Është një nder i madh për mua sepse fanella me numrin 5 ka rëndësi të madhe dhe Carles ka menduar se unë e meritoj që ta trashëgoj atë”, deklaroi Busquets.

Puyol është ende pjesë e Barcelonës pasi ndihmon drejtorin sportiv Andoni Zubizaretta.