Mario Balotelli vazhdon të jetë protagonist tek Milani. Sulmuesi italian ka bërë budallallëqe gjatë stërvitjes së fundit të Rossoneri në stadiumin Vicente Calderon.

Futbollistit kontrovers nuk i munguan shakatë me bashkëlojtarët, të cilët në një rast i frikësoi duke u bërë sikur po gjuante me top në drejtim të tyre.

Përfaqësuesi italian dukej në humor të mirë dhe të shohim nëse kjo do të reflektojë në lojë sonte, në ndeshjen e kthimit të së tetës së finales së Ligës së Kampionëve.

Atletico Madridi ka avantazh prej një goli, nga ndeshja e parë, e zhvilluar në San Siro, ndërsa do të mundohet të ruajë atë edhe në ndeshjen kthyese.

Në anën tjetër, gjiganti italian shkon në Spanjë për ta kërkuar kualifikimin në çerekfinale.