Ralf Rangnick zëvendësoi Ole Gunnar Solskjaer në nëntor dhe ka arritur të marrë 25 pikë nga 12 ndeshje. Manchester United tashmë ka kaluar nga pozita e gjashtë në atë të katërt.

Për punën e trajnerit, disa komente ka dhënë edhe mesfushori portugez i skuadrës, Bruno Fernandes.

“Kemi bërë shumë mirë që kur erdhi ai. Kemi më shumë identitet si ekip”, ishin fjalët e Fernandesit për trajnerin e përkohshëm të Djajve të kuq, transmeton lajmi.net.

Fernandes tha se duhet t`i ndjekin këshillat e Rangnick dhe të stafit. Gjithashtu ai theksoi se nuk ka dëgjuar askënd të ankohet për taktikat e trajnerit.

“Ne duhet të ndjekim atë që trajneri dhe stafi mendojnë se është mënyra më e mirë për ne. Këtu në këtë klub nuk kam dëgjuar askënd të ankohet për taktikat dhe shpresoj se askush nuk do ta bëjë,” u tha mesfushori gazetarëve përpara ndeshjes kundër Atletico Madrid, në 1/16-tën e Ligës së Kampionëve./Lajmi.net/