Të Infektuar: 1147

Të Shëruar: 874

Të Vdekur: 30

BQK nxjerr Rregullore që u mundëson klientëve të bankave kryerjen e pagesave përmes terminaleve POS pa kosto shtesë

15:07 | 16 Janar 2020

Më datën 26 dhjetor 2019 Bordi i Bankës Qendrore të Republikës së Kosovës miratoi amandamentimet e “Rregullores për Instrumentet e Pagesave Elektronike”, të cilat hyjnë në fuqi nga data 01 shkurt 2020.

Me anë të këtyre ndryshimeve klientët e bankave mund t’i përdorin kartelat e tyre për kryerjen e pagesave për blerjen e mallrave dhe shërbimeve, përmes të gjitha terminaleve POS pa marr parasysh se cilës bankë i përkasin, pa aplikim të kostove shtesë.

Këto ndryshime janë të bazuara në praktikat dhe standardet e BE-së, të cilat kanë për qëllim rritjen e përdorimit të kartelave dhe instrumenteve tjera të pagesave elektronike, si shërbime më efikase me kosto më të ulët për ofruesit dhe përdoruesit e shërbimeve të pagesave.

Prandaj, me anë të këtij njoftimi i inkurajojmë të gjithë qytetarët të përdorin kartelat e tyre për pagesë, si mjete të sigurta pagese pa ndonjë kosto shtesë. /Lajmi.net/

Linku i Rregullores: https://bqk-kos.org/?id=104&l=1714&fbclid=IwAR33avLUVa8wwtnyum_8uYEuriqxgbR6tmG-_h1x24gkGvQKZxZm-t3XO0E