Benitez që ishte në kreun e dy skuadrave mendon se nuk do këtë favorit në këtë super përballje, transmeton lajmi.net.

“Të dy janë skuadra të mira. Nuk shoh ndonjë favorit të qartë”, tha fillimisht ai.

I pyetur se si e pret këtë ndeshje, Bentitez tha se Liverpool do provojë të luajë shpejtë, derisa Reali ta mbajë topin.

“Liverpool do provojë të zhvillojë ndeshje të shpejtë, por Madrid do dëshirojë ta mbajë topin. Skuadra që ia del më së miri do këtë sukses”.

Ndërsa, në fund ish trajneri i top klubeve evropiane deklaroi se mungesa e tifozëve i konvenon Realit, ngase atmosfera në “Anfield” është e madhe.

“Mendoj që Real Madridit do t’i konvenojë. Atmosfera në Anfield i jep shumë Liverpoolit edhe më shumë në Evropë. Ndeshja e famshme 4-0 është shembull për këtë”, përfundoi ai.

Super përballja nis nesër në ora 21:00./Lajmi.net/