Deputeti i Partisë Demokratike të Kosovës (PDK), Artan Behrami, ka deklaruar se protesta e veteranëve dhe qytetarëve para Kuvendit të Kosovës është legjitime.

Përmes një postimi në Facebook, Behrami ka thënë se protestuesit po kërkojnë miratimin e Ligjit për Gjykatën Speciale në dy lexime, duke theksuar se një gjë e tillë, sipas tij, duhet të ndodhë gjatë ditës së sotme.

“Protesta e veteranëve dhe qytetarëve para Kuvendit është legjitime. Ata kërkojnë miratimin e Ligjit për Gjykatën Speciale në dy lexime. Kjo duhet të ndodhë sot!”, ka shkruar Behrami.

Deklarata e tij vjen në kohën kur para Kuvendit po zhvillohet protesta lidhur me kërkesën për miratimin e këtij ligji. /Lajmi.net/