Kandidati i PDK-së për kryeministër të vendit, Bedri  Hamza është parë sot në klinikën Infektive të QKUK-së.

Sipas raportimeve të para thuhet se Hamza ka vizituar Haxhi Thaçin, babain e ish-presidentit Hashim Thaçi, i cili prej disa ditëve është i shtrirë në QKUK, si shkak i përkeqësimit të gjendjes së tij shëndetësore.

Bedri Hamza është parë në dhomën ku po qëndron babai i ish-kryetarit të PDK-së, Hashim Thaci.

Ndryshe, Haxhi Thaçi është 87 vjeçar dhe në vitet e fundit, siç është raportuar disa herë, atij i është rënduar gjendja emocionale dhe shëndetësore edhe për shkak të dhimbjes për djalin e tij, i cili po vazhdon të mbahet në burgun e Hagës./Lajmi.net/