Arjen Robben nuk do të luajë më në vazhdim të këtij stinori, pas dëmtimit që pësoi në ballafaqimin kundër Borussia Dortmundit, në gjysmëfinale të Kupës së Gjermanisë.

Ylli i Bayern Munichut u rikthye nga dëmtimi duke u inkuadruar në lojë në pjesën e dytë të duelit me Dortmundin, por u zëvendësua vetëm 17 minuta më vonë për shkak të një problemi të ri muskulor që do ta lë jashtë fushës për pjesën e mbetur të sezonit.

Kurse, trajneri Pep Guardiola rrezikon të mbetet edhe pa sulmuesin Robert Lewandowski, i dëmtuar pas një dueli në ajër me portierin e Dortmundit, Mitchell Langerak.

Ylli polak ka pësuar frakturë në hundë, dhe rrezikon të mungojë në gjysmëfinalen e Ligës së Kampionëve kundër Barcelonës.