Bale: Çfarë emocioni më solli La Decima
Gareth Bale thotë se Liga e Kampionëve ia solli një emocion të veçantë, e veçanërisht për faktin se atë e fitoi me Real Madridin. Ylli uellsian shton se iu realizuar ëndrra fëmijërore.
Sport
Në mikrofonin e Uefa.com, Gareth Bale ka folur për trofeun e dhjetë të Ligës së Kampionëve, të cilin e fitoi Real Madridi të shtunën që shkoi, pas fitores 4:1 ndaj Atletico Madridit, në finalen e Lisbonës.
“Triumfi në Champions ishte një sensacion fantastik. Ishte një ndeshje e ekuilibruar. Për ne ishte e vështirë, por kemi demonstruar karakter”, deklaroi ylli uellsian.
“Kam ardhur këtu për të zhvilluar ndeshje të mëdha dhe për të fituar tituj. Nuk ka asgjë më mirë se ta fitosh Ligën e Kampionëve dhe kur tash sezoni ka përfunduar, mund të festojmë”, vazhdoi ish futbollisti i Tottehamit.
“Është një ëndërr që u bë realitet, e ëndërroja që kur isha i vogël dhe me Real Madridin, kjo është edhe më speciale. është diçka që do të mbetet në histori”, përfundoi Bale.