Ish kryetari i Ferizajt, Bajrush Xhemajli, i ka shprehur ngushëllime familjes së Labinot Rrustemit, i cili kishte vdekur në aksident dhe të lënduarve të tjerë.

“I shpreh ngushëllime dhe i kërkoj falje familjes së Labinotit. U kërkoj falje të aksidentuarve tjerë”, ka thënë Xhemajli sot në gjykatë, raporton koha.net.

Xhemajli e ka pranuar fajësinë pasi super ekspertiza për aksidentin që ishte imponuar nga aktgjykimi i Gjykatës Kushtetuese të Kosovës ka konstatuar rrethana dhe shkaqe të njëjta të aksidentit.

Avokati i Xhemajlit, Tahir Rrecaj ka kërkuar dënim me kusht apo nën minimum. Familja Rrustemi ka kërkuar dënimin e Xhemajlit për vdekjen e djalit të tyre. Aktgjykimi pritet të shpallet nesër në Gjykatën Themelore në Prishtinë.