Bad News Eagles do të luajnë sot ndeshjen e tyre të radhës në Counter-Strike: Global Offensive.

Skuadra kosovare e CS:GO po e vazhdon aventurën e saj në kualifikueset për IEM Rio 2022, përcjell lajmi.net.

Pas humbjes së pësuar mbrëmë ndaj Ninjas in Pyjamas, bNe synojnë t’i kthehen fitores.

Ata do të kenë sot punë me një prej skuadrave më në zë në sportin e CS:GO, Astralis.

Kjo ndeshje është e vlefshme për raundin e tretë kualifikues, dhe luhet si pasojë e sortimit të skuadrave me rekord 1:1.

Ndeshja mes ‘shqiponjave kosovare’ dhe danezëve të Astralis luhet me fillim nga ora 11:00. /Lajmi.net/