Në një video-incizim të publikuar ditëve të fundit, përmendet edhe emri i kryeparlamentarit të Kosovës Kadri Veseli, i cili sot ka dorëzuar kallëzim penal ndaj të përfshirëve në këtë rast, shkruan lajmi.net.

Lajmi.net ka kontaktuar me Agon Rrecajn, avokat i të akuzuarit, Rrahim Hashimi, i cili është liruar nga paraburgimi për arsye të parashkrimit të lëndës

Rrecaj ka mohuar që klienti i tij të ketë lidhje me Kadri Veselin.

“Jo, klienti im nuk ka asnjë lidhje me Kadri Veselin, nuk e lidh asgjë me të, absolutisht asnjë lidhje nuk ka me këtë”, është shprehur Agon Rrecaj për lajmi.net.

Madje ai ka thënë se klienti i tij, Rrahim Hashimi e njeh të parin e PDK-së siç e njeh e gjithë Kosova, por mohon të ketë ndonjë lidhje shoqërore me të.

Vlen të theksohet gjithashtu se Partia Demokratike e Kosovës sot në një konferencë për media kanë kërkuar një epilog për gjithë këtë çështje.

Madje, nënkryetari i kësaj partie, Enver Hoxhaj ka treguar se partia e tij ka denoncuar në polici Rrahim Hashimin gjatë vitit 2014 për arsye se e kishte përdorur emrin e Xhavit Halitit. /Lajmi.net/

Lexo edhe:

Hoxhaj: PDK në 2014 e denoncoi Rrahim Hashimin në polici, pasi kishte përdorur emrin e Xhavit Halitit