Sipas ‘AS’, Atletico Madrid dëshirojnë të përforcojnë fazën e sulmit në janar, përcjell lajmi.net.

Pas humbjes nga Barcelona në fundjavë, Atletico ka mbetur gjashtë pikë larg kreut në La Liga, me skuadrën e Diego Simeones që ka qenë jo e mirë në fazën e sulmit këtë sezon, duke shënuar vetëm 16 gola.

Kjo ka bërë që Atletico Madrid të mendojë për sjelljen e një sulmuesi, për t’i dhënë pak frymë sulmit, dhe Krzysztof Piatek dhe Andrea Belotti, janë emrat që prin në listën e skuadrës nga kryeqyteti spanjoll.

Piatek ka shënuar vetëm tri gola këtë sezon te Milan, ndërsa Belotti 13 për Torinon, që e bëjnë atë një opsion më të mirë për Atleticon.

Transferimi i Belottit mund t’i kushtojë Atleticos deri në 35 milionë funte./Lajmi.net/