Policia e Kosovës ka arrestuar një 33-vjeçar, i dyshuar për tentativë të kryerjes së veprës penale “Vjedhje e rëndë” në një shtëpi në Prishtinë.

Sipas njoftimit të Policisë, i dyshuari A.M. është arrestuar në flagrancë gjatë ditës së sotme, falë veprimeve të shpejta të njësisë së arrestimeve të Stacionit Policor Qendra.

Pas arrestimit, rasti është koordinuar me Prokurorin e Shtetit, ndërsa i dyshuari është intervistuar dhe më pas është dërguar në mbajtje për 48 orë.

Hetimet lidhur me rastin janë duke vazhduar. /Lajmi.net/