Një person është arrestuar në Pejë, pasi policia ka sekuestruar drogë, armë, para dhe pajisje të tjera gjatë kontrollit të shtëpisë së tij.

Rasti ka ndodhur të dielën, më 8 nëntor, rreth orës 13:05.

Sipas raportit policor, gjatë kontrollit në shtëpinë e të dyshuarit dhe objektet përcjellëse janë gjetur 302.2 gramë substancë e dyshuar narkotike e llojit marihuanë, një pistoletë dhe 3 fishekë.

Po ashtu, policia ka konfiskuar një peshore digjitale, një telefon iPhone 17, 325 euro para të gatshme dhe një sasi të konsiderueshme qesesh për paketimin e substancave narkotike.

I dyshuari është intervistuar dhe, me vendim të prokurorit, është dërguar në mbajtje.