Apple ka lansuar versionin e katërt beta të iOS 8.2 për zhvilluesit në iOS Dev Center.

Lajmet më të mëdha vijnë pasi që Apple është duke u përgatitur për ta lansuar orën e shumëpritur, produkti i ri i madh i kompanisë që nga iPad, transmeton Lajmi.net.

Duke shikuar në fotografinë e nxjerrë nga 9to5Mac, në konfigurimet e Bluetooth iOS 8.2 beta tani ka një referencë specifike që thotë “Për ta bashkëngjitur një orë të Apple me iPhone-in tuaj, shkoni në aplikacionin e Apple Watch”.

Versioni i tanishëm iOS 8.1.2, dhe kjo informatë e re nuk do të thotë se versioni 8.2 është në radhë. Në fakt, versioni i ardhshëm i kompletuar do të jetë iOS 8.1.3, i cili do të sjellë shumë rregullime për shumë probleme dhe disa përditësime të vogla.

Apple nuk e kishte konfirmuar ende një aplikacion të dedikuar për orën dhe kompania vazhdimisht kishte ndryshuar animacionet e orës duke treguar se pajisja do të jetë në gjendje që ta fusë një iPhone në heshtje, ta zgjojë dhe ta fusë në modën e aeroplanit.