Manchester United mund të mos ketë transferuar ende askënd gjatë këtij afati kalimtar të janarit, por një futbollist të cilin me çdo kush dëshiron ta shesë është mesfushori Anderson.

Braziliani i cili erdhi në Old Trafford më 2007 për 26 milionë funte ka bërë vetëm dy paraqitje me Louis van Gaalin këtë sezon dhe është injoruar nga fundi i gushtit.

Por, pavarësisht përpjekjeve të Unitedit, duket se mungon interesimi për të.

Sipas të përditshmes britanike “The Guardian”, gjiganti nga Old Trafford nuk ka marrë asnjë ofertë për Andersonin deri më tani gjatë këtij afati kalimtar të janarit.

Dikur futbollist që konsiderohej si talent i madh, sot një futbollist të cilin nuk e dëshiron askush.