Presidentja Vjosa Osmani dje në Berlin ka dekoruar Michael Roth, kryetar aktual i komisionit për punë të jashtme në Bundestagun gjerman dhe ish-ministër, me Medaljen Presidenciale të Meritave.

Osmani tha se ai është “një mbrojtës i palëkundur i së ardhmes së Kosovës në BE dhe një zë që ka pasqyruar vazhdimisht aspiratat tona në skenën ndërkombëtare” dhe se medaljen ia ndau si mirënjohjeje nga populli i Kosovës.

Për këtë ka reaguar sot edhe Ambasada gjermane në Kosovë, të cilët e uruan Roth për për nderimin me Medaljen Presidenciale të Meritave nga Presidentja, Vjosa Osmani.

“Z. Roth ka dëshmuar herë pas here të jetë ekspert i rajonit dhe mik i palëkundur i Kosovës. Përkushtimi i tij ka qenë i dukshëm gjatë gjithë roleve të tij si deputet i zakonshëm, ministër shteti në Zyrën e Jashtme Federale dhe kryetar i Komisionit të Punëve të Jashtme të Bundestagu”, thuhet në reagim.

Po ashtu nga ambasada kanë theksuar se kjo njohje pasqyron angazhimin e tij të palëkundur për nxitjen e lidhjeve të forta dhe mirëkuptimit të ndërsjellë mes Gjermanisë dhe Kosovës. /Lajmi.net/