Në deklaratën e lëshuar, Ambasada rikujton se Policia e Kosovës është një institucion i integruar plotësisht dhe i aftë për të ndihmuar në zhbërjen e terrorizmit, krimeve dhe narkotikëve, raporton lajmi.net.

“Shumica e vendeve e panë këtë dhe e mbështetën aplikacionin e Kosovës për t’iu bashkuar Interpol-it në sytë e një fushate, të drejtuar nga Serbia, për t’u bërë presion shteteve që ta kundërshtojnë aplikacionin e Kosovës. Mbështetja e Kosovës në Interpol nuk ka qenë asnjëherë për njohjen e pavarësisë së Kosovës por për forcimin e bashkëpunimit global dhe mbylljen e një hendeku kritik të sigurisë në Ballkan. Me këtë rezultat kemi humbur të gjithë”, thuhet në deklaratën e Ambasadës Amerikane.

Ambasada Amerikane rithekson se SHBA-të vazhdojnë ta mbështesin fuqishëm dialogun e lehtësuar nga BE-ja ndërmjet Kosovës dhe Serbisë.

“Ne vazhdojmë ta mbështesim fuqishëm dialogun e lehtësuar nga BE ndërmjet Kosovës dhe Serbisë. Tani më shumë se kurrë, të dy palët duhet t’i përshpejtojnë përpjekjet e tyre për ta arritur një marrëveshje për normalizim të plotë e cila është mënyra e vetme për të dyja vendet që të avancojnë në rrugën e tyre drejt BE-së. Si Serbia ashtu edhe Kosova duhet ta kuptojnë se rrugët e tyre drejt të ardhmes europiane kalojnë nëpërmjet normalizimit. Për ta arritur këtë, ne kërkojmë nga to që t’i anashkalojnë provokimet dhe të punojnë së bashku për një marrëveshje”, thuhet në deklaratë.

Kosova sot dështoi në dy raunde të votimit të bëhet pjesë e familjes botërore të Policisë.

Nga 103 vota sa i duheshin, Kosova mori vetëm 68./Lajmi.net/