Edhe pse trajneri arriti të triumfonte në Serie A, dështimi i tij në Ligën e Kampionëve duket se ishte ai që ka sosur durimin e drejtuesve të skuadrës.

Gjithsesi, Allegri është pajtuar me këtë vendim, duke thënë se skuadra vendosi për atë që është më e mira.

“Ne kemi biseduar, kemi shfaqur idetë tona në atë se çfarë është më së miri për Juventus dhe për të ardhmen e Juves. Pas kësaj, skuadra vendosi për atë që është më e mira dhe se unë nuk do të jem trajneri” ka thënë Allegri, transmeton lajmi.net.

“Raportet e mia me Presidentin Agnelli, Nedved dhe Pratici mbeten të shkëlqyera. Ne të gjithë jemi rritur së bashku, duke përfshirë edhe Beppe Marotta” ka thënë tutje ai.

“Unë po lë mbrapa një grup të jashtëzakonshëm lojtarësh” ka thënë ndër të tjerash Allegri.

Për vendimin që Allegri të mos jetë trajneri sezonin e ardhshëm, ka folur edhe Agnelli, i cili ka thënë se ishte vendimi më i vështirë në karrierë. /Lajmi.net/