Sot rreth orës 20:00, në fshatin Grabovc ka ndodhur një vet-aksident, ku është involvuar një mjet i blinduar i policisë dhe disa policë.

Të njëjtët kanë pësuar disa lëndime dhe janë dërguar për trajtim të mëtutjeshëm mjekësorë.

Për rastin ka reaguar drejtori i Institutit të Kosovës për Drejtësi, Ehat Miftaraj.

Miftaraj ka uruar shërim të shpejtë dhe të plotë për policët e lënduar, duke shpresuar që të njëjtit të mos kenë lëndim serioze.

Ai përcolli një mesazh të qartë edhe për partitë politike në vend.

Ai bëri thirrje që sigurimi shëndetësorë e jetësorë i policëve të merret seriozisht.

“Partitë politike të shpresojmë se do e marrin seriozisht sigurimin shëndetësor dhe sigurimin jetësor për policët e Kosovës. Jo premtime, por fillimin e  realizimit të këtyre të drejtave në praktikë qysh në vitin e parë të qeverisjes“, u shpreh ai në një postim./Lajmi.net