Kryetari i Federatës së Futbollit të Kosovës, Agim Ademi, ka bërë të ditur se delegatët e Lidhjeve Rajonale të Futbollit të Prishtinës dhe Prizrenit i kanë dhënë sot mbështetje unanime Ismajl Ajetit dhe Mirsad Çollakut si kandidatët e propozuar për anëtarë të Komitetit Ekzekutiv të FFK-së për mandatin 2026–2030.

Ademi thekson se rikonfirmimi i tyre para delegatëve të LRF-ve është një dëshmi e besimit për punën dhe angazhimin e tyre të deritashëm, jo vetëm në shërbim të futbollit në rajonet e tyre, por edhe në zhvillimin e futbollit kosovar në përgjithësi, transmeton lajmi.net.

Kuvendi Zgjedhor i FFK-së, ku do të bëhet votimi final, do të mbahet më 5 shkurt 2026.