Trajneri i Atletico Madridit, Diego Simeone ka lavdëruar sulmuesin Diego Costa duke thënë se ai është i rëndësishëm për ekipin, njësoj sikurse Lionel Messi për Barcelonën.

Atletico pret rivalin nga La Liga të mërkurën mbrëma në ndeshjen e kthimit në çerekfinale të Ligës së Kampionëve, me rezultatin e favorshëm 1:1 nga ballafaqimi i parë në Camp Nou.

Dhe, Simeone shpreson se Costa – i cili vuan nga një lëndim – do të jetë në dispozicion për të luajtur kundër Barcelonës.

“E kam thënë edhe më parë se ai për ne është sikurse Messi për Barcelonën ose Cristiano Ronaldo për Real Madridin”, deklaroi Simeone në konferencë për shtyp.

“Do të jetë një ndeshje e vështirë, një prej më të rëndësishmeve të kësaj Lige të Kampionëve mes dy skuadrave me stil të ndryshëm”.