Në paraqitjet e para këtë sezon, tifozët e Juventusit e kanë parë duke realizuar gola në vazhdimësi, përveç duelit të fundjavës kundër Interit në Giuseppe Meazza.

Mirëpo, sulmuesi Carlitos Tevez ka një bilanc krejt tjetër sa i përket ndeshjeve në një tjetër garë, në Ligën e Kampionëve.

Ai nuk ka shënuar gol në garën kryesore të klubeve evropiane nga 7 prilli i vitit 2009, në takimin kundër Portos në çerekfinale.

Pas një asistimi nga Wayne Rooney, Tevez realizoi për Manchester Unitedin. Nga ajo ditë nuk shënoi më. Kaloi te Manchester City por me këtë skuadër nuk realizoi as në Ligën e Kampionëve e as në Europa League.

Por, nesër mbrëma do të ketë rastin t’i jap fund periudhës së errët kur me Juventusin do të takohet me Copenhagenin në kuadër të Grupit B.