Barcelona dhe Real Madrid takohen sot në ora 18:00 në Nou Camp në El Clasicon e parë për këtë edicion. Përballja e dy gjigantëve spanjoll, duel që gjithnjë zgjon vëmendje të madhe anembanë botës, pritet që sot ta thyejë rekordin e shikueshmërisë.

Sipas të përditshmes sportive madrilene AS, termini i orës 18:00 është i përshtatshëm për tu ndjekur si në Shtetet e Bashkuara të Amerikës, njësoj edhe në Azi. Andaj, audienca që pritat ta përcjellë drejtpërdrejtë duelin pritet të jetë 400 milionë spektatorë.

Nuk ekziston asnjë shtet në botë që nuk do të jetë në gjendje ta shikoj ndeshjen, duke pasur parasysh terminin e caktuar nga Liga spanjolle, në përputhshmëri me audiencën globale.

Derisa shikuesit do të jenë të shumtë, AS ka njoftuar se 300 persona do të marrin pjesë në transmetimin e ndeshjes që do të mbulohet me 37 kamera, 12 prej të cilave do të jenë 3D.