Kolona të gjata kamionësh janë krijuar në terminalin doganor në Merdarë, ku drejtuesit e mjeteve të rënda po presin për shkak të ndërprerjes së shërbimeve.

Sipas informacioneve nga vendi i ngjarjes, kolona e kamionëve ka arritur në rreth 2 deri në 3 kilometra, ndërsa dyshohet se mund të jetë edhe më e gjatë.

Në pamjet e siguruara dëgjohen doganierët duke thënë se “s’po punon printeri”, gjë që raportohet se ka shkaktuar bllokimin e shërbimeve në terminal.

Ndërkohë, në një fotografi nga terminali shihet edhe gjendja e rampës hyrëse, e cila është përforcuar me copa druri dhe është lidhur me kabllo.

Ende nuk dihet se kur pritet të normalizohet puna në terminal.

VIDEO