Një shtetas i huaj është shoqëruar nga Policia e Kosovës pasi dyshohet se në gjendje të dehur ka tentuar ta godasë një shtetas kosovar në Aeroportin Ndërkombëtar të Prishtinës “Adem Jashari”.

Sipas raportit 24-orësh të Policisë, rasti ka ndodhur mbrëmë rreth orës 19:35.

“Është shoqëruar i dyshuari mashkull shtetas i huaj, pasi që në gjendje të dehur kishte tentuar të godas viktimën mashkull kosovar”, thuhet në raport.

Me vendim të prokurorit, i dyshuari është liruar pas intervistimit, ndërsa rasti do të procedohet në procedurë të rregullt. /Lajmi.net/