Vetëm pak ditë para marshit, në pjesë të ndryshme të Prishtinës janë shfaqur pankarta dhe thirrje për pjesëmarrje, ndërsa qytetarë dhe biznese të ndryshme po i bashkohen vullnetarisht mobilizimit në mbështetje të Hashim Thaçit, Kadri Veselit, Jakup Krasniqit dhe Rexhep Selimit.

Në vitrina dhe hapësira të lokaleve, kafiterive e restoranteve po vendosen pankarta me thirrjen për pjesëmarrje në marsh, duke e bërë mesazhin për 12 shtatorin të pranishëm në rrugët e kryeqytetit.

Mbështetja po vjen nga qytetarë dhe biznese të profileve të ndryshme, të cilët po hapin hapësirat e tyre për të përcjellë thirrjen e organizatorëve.

Nga qendra e Prishtinës deri në lagjet e saj, pankartat po përcjellin të njëjtin mesazh – pjesëmarrje në “Marshin për Liri” dhe solidarizim me katër ish-krerët e UÇK-së që ndodhen në Hagë.

Marshi do të mbahet të shtunën, më 12 shtator, nga ora 14:00, në sheshin “Skënderbeu” në Prishtinë, nën organizimin e platformës qytetare “Liria Ka Emër”.

Në ditët para marshit, thirrja për pjesëmarrje po bëhet gjithnjë e më e dukshme në kryeqytet, në rrugë, në vitrina të bizneseve dhe në hapësira të frekuentuara nga qytetarët.

Prishtina po mobilizohet për 12 shtatorin.

Në ora 14:00, qytetarët do të mblidhen në sheshin “Skënderbeu”, në mbështetje të Hashim Thaçit, Kadri Veselit, Jakup Krasniqit dhe Rexhep Selimit. /Lajmi.net/