Kënga “Training Season” e Dua Lipës është rikthyer në qendër të vëmendjes në rrjetet sociale, ku mijëra gra po e përdorin si një mënyrë për të “manifestuar” partnerin ideal.

Trendi është përhapur në TikTok, ku gratë publikojnë video duke kënduar refrenin dhe duke përshkruar cilësitë që dëshirojnë te partneri i ardhshëm.

Ideja është që përmes këngës të imagjinohet një partner emocionalisht inteligjent, i kujdesshëm, komunikues dhe i gatshëm për një lidhje serioze.

Vetë Dua Lipa kishte thënë më herët se “Training Season” ishte një lloj manifestimi, duke u shprehur: “Jam lodhur duke stërvitur djem”.

Tashmë, kënga është shndërruar në një lloj himni për të gjithë ata që besojnë se duke e përcaktuar qartë atë që kërkojnë, mund ta afrojnë partnerin ideal në jetën e tyre.