Një delegacion i lartë i Gardës Kombëtare Ajrore të Iowa-s ka qëndruar në Kosovë, ku ka marrë pjesë në aktivitetet e ushtrimit të përbashkët “Sentinel Sica” dhe është takuar me pjesëtarë të Forcës së Sigurisë së Kosovës, si dhe me personel ushtarak amerikan të angazhuar në terren.

Vizita është realizuar më 10 qershor 2026, ku Brigadier Gjeneral Mark Muckey, zëvendësgjeneral adjutant i Gardës Kombëtare Ajrore të Iowa-s, së bashku me Shefen e Komandës, Sgt. Sara Orwig, dhe Shefin e Komandës, Rreshter Jason Lehmann, kanë vëzhguar nga afër aktivitetet e Skuadronit të Komunikimit të Krahut 132d gjatë ushtrimit, transmeton lajmi.net.

Gjatë qëndrimit në Kosovë, delegacioni amerikan ka zhvilluar takime edhe me udhëheqësit e Forcës së Sigurisë së Kosovës, ku është diskutuar bashkëpunimi i vazhdueshëm në kuadër të Programit të Partneritetit Shtetëror ndërmjet Iowa-s dhe Kosovës.

Ushtrimi “Sentinel Sica” synon forcimin e ndërveprueshmërisë mes forcave partnere, shkëmbimin e përvojave profesionale dhe rritjen e kapaciteteve në fushën e komunikimit ushtarak.

Sipas organizatorëve, ky aktivitet konfirmon partneritetin e ngushtë dhe afatgjatë mes Kosovës dhe shtetit amerikan të Iowa-s, si dhe angazhimin e përbashkët për rritjen e gatishmërisë operacionale dhe thellimin e bashkëpunimit në fushën e sigurisë dhe mbrojtjes./lajmi.net/