Deputeti i LDK-së, Armend Zemaj ka shkruar në lidhje me miratimin e Ligjit për Sigurimin Shëndetësor.

Ai ka thënë se i kanë dhënë shansin këtij Ligji ndonëse sipas tij u miratua me mungesë transparence.

Zemaj ka paralajmëruar se do ta mbajnë përgjegjëse Qeverinë që ky ligj të implementohet sipas afateve ligjore.

“I dhamë shansin Ligjit të ri për Sigurimin e Detyrueshëm Shëndetësor, edhe pse u miratua me mungesë transparence, pa debat të mirëfilltë me deputetët dhe publikun, si dhe pa u dëgjuar profesionistët shëndetësorë dhe odat përkatëse. Megjithatë, ne do ta mbajmë Qeverinë përgjegjëse që implementimi i këtij ligji të fillojë sipas afateve të përcaktuara ligjore”, ka shkruar Zemaj në Facebook. /Lajmi.net/

Postimi i plotë: