Kryetari i Partisë Demokratike të Kosovës, Bedri Hamza, ka reaguar sërish lidhur me zhvillimet e fundit, duke vlerësuar luftëtarët e UÇK-së dhe rolin e tyre në çlirimin e vendit.

Në një postim publik, Hamza i cilësoi ata si të pafajshëm përballë akuzave, duke theksuar se kontributi i tyre në rrugëtimin e Kosovës drejt lirisë dhe pavarësisë mbetet i pazëvendësueshëm.

“Të pafajshëm përballë akuzave. Çlirimtarë në betejën për liri dhe dinjitet. Heronj në kujtesën dhe historinë e Kosovës!”, ka shkruar Hamza.

Ai theksoi se luftëtarët e UÇK-së do të mbeten gjithmonë pjesë e pandashme e historisë së Kosovës dhe simbol i sakrificës për liri. /Lajmi.net/