Shefi i Grupit Parlamentar nga grupi multietnik, Artan Asllani ka uruar 18-vjetorin e Pavarësisë së Kosovës.

Gjatë seancës solemne, Asllani tha se Pavarësia e Kosovës nuk ishte një dhuratë, por fitore e fituar pas dekadash padrejtësi e vuajtje.

“Sot në këtë ditë të shënuar për shtetin tonë, kujtojmë momente kur Kosova u shpall e pavarur, pas një rruge të gjatë sakrifice, qëndrese e shprese. Pavarësia e Kosovës nuk ishte një akt i rastësishëm, e as një dhuratë. Ajo erdhi pas dekadash padrejtësie, vuajtje dhe përpjekje të përbashkëta. Ishte fitore e atyre që besuan se liria dhe dinjiteti janë të drejta që nuk falen por fitohen”, tha Asllani.

Ndër të tjera, ai tha se lufta e UÇK-së mbetet e pastër, teksa shtoi se beson në pafajësinë e ish-krerëve të Ushtrisë Çlirimtare të Kosovës.