Dy raste të ngacmimeve kanë ndodhur gjatë 24 orëve në Kosovë.

Njëri prej tyre ka ndodhur në Istog, ku një person ka ngacmuar përmes rrjeteve sociale një femër.

I dyshuari pas intervistimit është liruar në procedurë të rregullt.

“Istog 08.02.2026. Është arrestuar i dyshuari mashkull kosovar pasi që i njëjti  dyshohet se ka ngacmuar nëpërmjet rrjeteve sociale viktimën femër kosovare. Pas intervistimit me vendim të prokurorit i dyshuari lirohet në procedurë të rregullt”, thuhet në raport. 

Rasti tjetër ka ndodhur në Pejë, ku një vajzë ka pranuar mesazhe fyese në rrjete sociale nga një mashkull.

I dyshuari pas intervistimit është liruar në procedurë të rregullt.

“Rr. Sali Gjika, Pejë/ 10.02.2026 – 20:30. Është raportuar se viktima femër kosovare ka pranuar mesazhe fyese në rrejte sociale, nga i dyshuari mashkull kosovar. I dyshuari është intervistuar dhe me vendim të prokurorit është liruar në procedurë të rregullt”, thuhet në raport 24 orësh. /Lajmi.net/