Policia e Kosovës ka arritur që të arrestojë dy nga tre personat e dyshimtë të përfshirë në rastin e vrasjes në tenative që ndodhi mbrëmë në një pikë karburanti në rrugën Gjilan-Kamenicë.

Policia përmes raportit 24 orësh ka njoftuar se ka arrestuar tanimë dy të përfshirët në këtë rast.

E të arrestuarit nën dyshimin për përfshirje në rastin e tentiv-vrasjes janë: Burim Xhimshiti dhe Fatmir Azemi.

Dyshja janë nga fshati Malishevë në Gjilan.

Kurse viktima në këtë rast është 40 vjeçari, Arsim Krasniqi nga Kamenica.

“Gjilan 04.02.2026-18:00. Është raportuar për një shkëmbim zjarrit në mes të dy grupeve nga vetura, ku i plagosur ka mbetur një mashkull kosovar i cili është dërguar në QKUK.  Njësitet e hetuesisë kanë arritur që të identifikojnë tre persona të dyshuar meshkuj kosovarë, ku dy prej tyre janë arrestuar dhe nga ta janë konfiskuar; 7 gëzhoja të kalibrit 9mm, dy karikatorë me 18 fishekë të kalibrit 7.62 mm, celularë dhe dy vetura. Me vendim të prokurorit dy të dyshuarit pas intervistimit  dërgohen në mbajtje.”./Lajmi.net/