Futbollisti brazilian i Manchester United, Casemiro, ka konfirmuar se do ta mbyllë aventurën e tij me “Djajtë e Kuq” në fund të këtij sezoni, kur edhe i skadon kontrata me klubin anglez.

33-vjeçari e ka bërë të ditur vendimin përmes një postimi në rrjetin social Instagram, duke theksuar se pas katër vitesh te United ka ardhur momenti për t’i thënë lamtumirë klubit dhe tifozëve, transmeton lajmi.net.

“Është e rëndësishme të dish kur një etapë vjen në fund, kur është koha të thuash lamtumirë dhe kur ndjen se do të mbetesh gjithmonë i respektuar dhe në kujtesë. Edhe katër muaj për të dhënë gjithçka për këtë fanellë dhe për objektivat tona”, ka shkruar Casemiro.

Ai ka shprehur gjithashtu mirënjohje për klubin dhe tifozët, duke theksuar respektin dhe dashurinë e përjetshme për Manchester United.

Braziliani iu bashkua United katër vite më parë, ndërsa ende nuk ka bërë të ditur se cili do të jetë hapi i radhës në karrierën e tij./lajmi.net/

 

View this post on Instagram