Ministri në detyrë i Drejtësisë, Blerim Sallahu, ka reaguar ashpër pas pranimit të aktgjykimit të Gjykatës Kushtetuese lidhur me Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, duke e cilësuar vonesën e vendimit si joligjore, joprofesionale dhe joetike.

Sallahu tha se aktgjykimi është pranuar pas më shumë se një viti, ndërsa Gjykata ka konstatuar shkelje procedurale gjatë miratimit të projektligjit në Kuvend, çka ka bërë që ai të kthehet sërish për miratim. Ai akuzoi Gjykatën se ka tejkaluar afatet ligjore dhe se vonesa ka cenuar kompetencat kushtetuese të Qeverisë dhe Kuvendit në procesin ligjvënës, transmeton lajmi.net.

Megjithatë, në reagimin e tij publik, ministri nuk ka adresuar shkeljet procedurale të evidentuara nga vetë Gjykata Kushtetuese gjatë miratimit të ligjit nga partia e tij. Në vend të kësaj, ai ka fokusuar kritikat ekskluzivisht ndaj Gjykatës, duke lënë pa sqarim përgjegjësinë institucionale për gabimet në procedurë.

Sallahu ka përfunduar se, pavarësisht pengesave, konfiskimi i pasurisë së pajustifikueshme do të nisë këtë vit, duke e paraqitur vendimin e Gjykatës si vonesë teknike dhe jo si pasojë e mangësive në procesin ligjvënës.

Postimi i plotë: