Komisioni Qendror i Zgjedhjeve (KQZ) ka bërë të ditur se janë numëruar mbi 32 për qind e votave për kandidatët për deputetë, duke dhënë një pasqyrë të parë të renditjes brenda partive politike pas zgjedhjeve të jashtëzakonshme parlamentare të 28 dhjetorit.

Sipas rezultateve të deritanishme, në katër partitë kryesore politike në vend, liderët partiakë dhe figurat e njohura politike po kryesojnë bindshëm listat e votave personale.

Lëvizja Vetëvendosje (LVV)

Në Lëvizjen Vetëvendosje, kryeson kryetari i partisë dhe kryeministri në detyrë, Albin Kurti, me 110,514 vota.
Pas tij renditet Glauk Konjufca me 86,082 vota.

Top 5-shja e LVV-së sipas votave të numëruara deri tani:

Albin Kurti – 110,514 vota

Glauk Konjufca – 86,082 vota

Albulena Haxhiu – 44,609 vota

Hekuran Murati – 44,000 vota

Donika Gërvalla-Schwarz – 39,117 vota

Partia Demokratike e Kosovës (PDK)

Në PDK, më i votuari deri tani është kandidati për kryeministër, Bedri Hamza, me 51,710 vota.

Top 5-shja e PDK-së:

Bedri Hamza – 51,710 vota

Arian Tahiri – 24,943 vota

Përparim Gruda – 23,440 vota

Uran Ismaili – 17,877 vota

Sala Jashari – 16,879 vota

Lidhja Demokratike e Kosovës (LDK)

Në LDK, kryeson kryetari i partisë, Lumir Abdixhiku, me 23,899 vota, i ndjekur nga Hykmete Bajrami.

Top 5-shja e LDK-së:

Lumir Abdixhiku – 23,899 vota

Hykmete Bajrami – 15,305 vota

Ukë Rugova – 13,408 vota

Avdullah Hoti – 11,808 vota

Doarsa Kica-Xhelili – 11,767 vota

Aleanca për Ardhmërinë e Kosovës (AAK)

Në AAK, kryeson kryetari i partisë, Ramush Haradinaj, me 12,023 vota.

Top 5-shja e AAK-së:

Ramush Haradinaj – 12,023 vota

Daut Haradinaj – 7,285 vota

Besnik Tahiri – 7,185 vota

Bekë Berisha – 5,376 vota

Time Kadrijaj – 4,840 vota

KQZ ka njoftuar se procesi i numërimit të votave për kandidatët për deputetë po vazhdon, ndërsa rezultatet finale pritet të publikohen pas përfundimit të numërimit të votave të mbetura, përfshirë ato të diasporës dhe me kusht. /Lajmi.net/