Kryeministri në detyrë, Albin Kurti, në mbledhjen e sotme të Qeverisë, në pikën e 11-të, ka kërkuar mbështetjen financiare të FCF Prishtina 01 për organizimin e ndeshjeve në kuadër të UEFA Champions League.

Ai në këtë mbledhje tha se duke marrë parasysh se kemi të bëjmë me ngjarje të nivelit të lartë, kërkohet ndarja e mjeteve financiare shumë prej 23 mijë euro, derisa kërkoi që këto mjete të ndahen nga zyra e kryeministrit nën programin për promovim të vendit.

“Pika 11-  Mbështjetja financiare e FCF Prishtina 01 futsall për organizimin e UEFA Champions League me datë 24 nëntor 2025 në Prishtinë dhe me datë 5 dhjetor 2025 në Riga të Letonisë të nderuar koleg anëtarë të qeverisë qëllimi i këtij aktiviteti është përfqësimi në garat ndërkombëtare në Champions League aktiviteti pritet të përfshijë një numër të madh të të interesuarve dhe të kontribuojnë në imazhin e vendit tonë, andaj meqë kemi të bëjmë me ngjarje të nivleit evropian dhe kërkon standarde të larta të organizimit kërkohet ndarja e mjeteve financiare në shumë prej 23 mijë e 400 e 72 euro për mbëshjtet financiare për organizmin e kësaj ngjarje, të ndahen mjetet nga buxheti i zyrës së kryeministrit nën proogramin për promovim të vendit”, ka deklaruar Kurti. /Lajmi.net/