Një tragjedi tronditi lagjen Europe në Brest pasditen e të enjtes, kur një çift shqiptar, një burrë dhe një grua në të tridhjetat, u gjetën të vdekur në apartamentin e tyre në Rue Général-Paulet.

Sipas mediave franceze, banori që njoftoi policinë raportoi se kishte dëgjuar dy të shtëna arme rreth orës 16:30, transmeton lajmi.net.

Kur forcat e rendit mbërritën në vendngjarje, gjetën trupat e çiftit pranë një pushkë gjahu. Autoritetet po e trajtojnë ngjarjen si një rast të mundshëm të femicidit të ndjekur nga vetëvrasja.

Çifti kishte dy fëmijë. Njëri prej tyre nuk ishte në shtëpi gjatë ngjarjes, ndërsa fëmija më i vogël ndodhej në shkollë.

Tragjedia ka tronditur komunitetin lokal, i cili përpiqet të kuptojë shkakun pas këtij akti të dhunshëm./lajmi.net/