Kryetari i Prishtinës, Përparim Rama, ka reaguar ashpër ndaj Ministrit të Financave në detyrë, Hekuran Murati, duke e akuzuar për bllokimin e buxhetit të kryeqytetit.

Në një postim në rrjetet sociale, Rama shkruan: “Hekuran, mos rri tu e gjujt përgjegjësinë! Çka po ndodh me buxhetin e Prishtinës është rezultat i vendimeve të tua politike, i askujt tjetër!”, transmeton lajmi.net.

Ai thekson se për situatën janë të bllokuara 33 milionë euro, prej të cilave 23 milionë janë të hyra vetanake dhe 10 milionë grant qeveritar, duke shtuar se kjo ndodh për shkak të vendimmarrjes së ministrit.

“Ta kesh të qartë: asnjë status, asnjë justifikim dhe asnjë tentativë për t’u fshehur pas retorikës politike nuk do të të shpëtojë nga përgjegjësia publike për këtë situatë”, shkruan Rama.

Kryetari i kryeqytetit bëri të ditur gjithashtu se sot është dërguar një shkresë zyrtare në Ministrinë e Financave për të kërkuar ekzekutimin e buxhetit, duke theksuar se qyteti nuk mund të mbahet peng i “kalkulimeve politike të askujt e as tënde”.

Postimi i plotë: