Pas pritjeve të gjata deri në tri orë mbrëmjen e kaluar në pikën kufitare në Merdarë, situata është përmirësuar dukshëm këtë mëngjes.

Sipas përditësimit të fundit nga Qendra Kombëtare për Menaxhimin Kufitar, qytetarët tani po presin më pak kohë për të dalë nga Kosova, transmeton lajmi.net.

Në pikën kufitare në Merdarë, pritjet janë reduktuar në rreth 20 minuta, ndërsa në pikat tjera kufitare, si Dheu i Bardhë dhe Jarinjë, pritjet janë edhe më të shkurtra – deri në 10 minuta.

Ndërkohë, gjendja në pikat tjera kufitare është raportuar të ketë qenë më e qetë edhe mbrëmë, krahasuar me ngarkesën në Merdarë./lajmi.net/