Volodymyr Zelensky ka thënë se refuzimi i Rusisë për të rënë dakord për një armëpushim po i ndërlikon përpjekjet për t’i dhënë fund luftës.

“Ne shohim që Rusia kundërshton thirrje të shumta për një armëpushim dhe ende nuk ka përcaktuar se kur do t’i ndalë vrasjet. Kjo e ndërlikon situatën”, shkroi presidenti ukrainas në X.

Të hënën, Zelensky do të udhëtojë për në Uashington DC, ku Presidenti i SHBA-së Donald Trump ka thënë se do t’i kërkojë udhëheqësit ukrainas të bjerë dakord për një marrëveshje paqeje.

Trump tha se dëshiron të anashkalojë një armëpushim në Ukrainë dhe të kalojë direkt në një marrëveshje të përhershme paqeje pas takimit të tij me Presidentin rus Vladimir Putin.