Deputeti i Lidhjes Demokratike të Kosovës (LDK), Avdullah Hoti, ka kritikuar ashpër Qeverinë Kurti për menaxhimin, siç e ka quajtur ai, të dobët dhe të papërgjegjshëm të sektorit të energjisë, duke thënë se kjo qeveri e ka futur vendin në një krizë të thellë energjetike.

Përmes një postimi në Facebook, Hoti ka përmendur disa vendime të ekzekutivit që, sipas tij, e kanë përkeqësuar situatën. Ai ka theksuar se Qeveria ka anuluar ndërtimin e një termocentrali të ri, nuk ka ndërtuar asnjë kapacitet të ri energjetik dhe ka refuzuar projektin e gazit që ishte paraparë me Marrëveshjen e Uashingtonit, raporton lajmi.net

“Sot, përdor policinë për t’i shkëputur bizneset nga energjia që prodhohet me thëngjillin e Kosovës”, ka shkruar Hoti, duke kritikuar shkyçjet që po ndodhin ndaj bizneseve që nuk kanë kaluar në tregun e lirë të energjisë.

Hoti ka ngritur dyshime mbi motivet e qeverisë për të shtyrë me ngulm liberalizimin e tregut të energjisë, duke pyetur pse po kërkohet me çdo kusht që bizneset të blejnë energji “disa herë më shtrenjtë, pa pasur kushte për treg të hapur dhe konkurrues”.

Postimi i plotë: