Në sallën sportive “Ilaz Kodra” në Burojë të Skenderajt sot janë mbledhur një numër i madh i qytetarëve nga të gjitha trojet shqiptare.

Familja Thaçi ka hapur dyert për të gjithë ata që shprehin ngushëllime me rastin e vdekjes së Haxhi Thaçit, babai të ish-presidentit Hashim Thaçi.

Në mesin e familjarëve të cilët po presin për ngushëllime sot i pranishëm nuk është vetë ish-presidenti Thaçi, të cilit Specialja ia pamundësoi ardhjen për ceremoninë e varrimit të babait.

E për t’u shprehur ngushëllime dhe për të shkruar në Librin e Zizë sot aty u pa edhe djali i Kadri Veselit,  Klestor Veseli -bashkë me disa familjarë të tjerë.

Ai është parë shumë i afërt me familjen Thaçi, të cilëve edhe u shprehu ngushëllime.

Dje nga Haga ngushëllime shprehën edhe Kadri Veseli, Jakup Krasniqi e Rexhep Selimi të cilët po vazhdojnë që bashkë me Thaçin të mbahen në Hagë në kuadër të procesit gjyqësor të Speciales./Lajmi.net/