Zyrtarët policorë në Vushtrri kanë konfiskuar dhjetë patentë-shoferë për kundërvajtje në trafik dhe tejkalim nga ana e djathtë.

Nga policia u tha se në vazhdën e angazhimeve në parandalim dhe ofrimin e sigurisë në trafik, njësitet policore në kuadër të stacionit policor në Vushtrri kanë identifikuar 13 kundërvajtës të cilët kanë bërë tejkalime nga ana e djathtë, me ç’rast kanë rrezikuar edhe pjesëmarrësit e tjerë në trafik.

“Ndaj kundërvajtësve janë shqiptuar vendime për kundërvajtje me gjobë në shumë prej njëqindepesëdhjetë (150)euro, një (1) pikë negative, si dhe masa mbrojtëse-konfiskim i përkohshëm i patentë shoferit në kohëzgjatje prej tre (3) muajve”./Lajmi.net/