Ministri i Mbrojtjes, Ejup Maqedonci ka vlerësuar lartë punën e vajzave dhe grave ushtarake në kuadër të FSK-së.

Maqedonci në një postim në profilin e tij zyrtar në Facebook i cilësoi ato si krenari të ushtrisë duke potencuar se do të punojnë fuqishëm që të shtohet numri i vajzave dhe grave në ushtri, transmeton lajmi.net.

Ja postimi i plotë pa ndërhyrje:

Si ish ushtarak kam pasur fatin e nderin që të punoj me gra dhe vajza ushtarake në vendin tonë.

Forca jonë e Sigurisë i ka 358 gra e vajza ushtarake. Ato shërbejnë në të gjitha armët me profesionalizëm dhe me patriotizëm të lartë.

Ato janë krenaria e Forcës sonë.

Ndaj unë sot në ditën kur Kryeministri Kurti njoftoi për shpalljen e vitit 2025 si Vit i gruas dua të veçoj kontributin e grave oficere në forcimin e FSK-së.

E po ashtu të ftoj vajzat që të aplikojnë në konkurset e ardhshme për kadete.

Në FSK i kemi 1 Gjeneralmajore, 1 Kolonele, 3 Nënkolonele, 3 majore, 3 kapitene, 13 togere, 9 nëntogere, 226 nënoficere e 90 ushtare.

Presim çdo muaj e vit që këto numra të rriten e për këtë do të punojmë së bashku që ta mbërrijmë.

Nuk do ta ndalim punën deri të bëhen të paktën 1000 ushtarake.

/Lajmi.net/