Ambasadori i Britanisë së Madhe, Jonathan Hargreaves ka reaguar pas shpërthimit që ka ndodhur në Zubin Potok duke shkaktuar dëme të mëdha në rrjetin e ujësjellësit në Ibër Lepenc.

Ai përmes një postimi në Facebook, ka shkruar se ky incident ka pasoja potencialisht të mëdha për furnizimin me ujë dhe energji, shkruan lajmi.net.

“Incidenti i rëndë në Zubin Potok sonte ka pasoja potencialisht të rënda për furnizimin me energji dhe ujë të komuniteteve të ndryshme në shumë pjesë të Kosovës. Duhet të hetohet shpejt për çdo sulm të qëllimshëm në infrastrukturën kritike”, ka shkruar Hargreaves në Facebook. /Lajmi.net/