Superliga e Kosovës në futboll rikthehet këtë fundjavë me ndeshjet e javës së 13-të.

Xhiro e 13-të sjell disa ndeshje interesante, me duelet që do të luhen të shtunën dhe të dielën, shkruan lajmi.net.

Vëmendja do të jetë në derbin rajonal ndërmjet Prishtinës dhe Llapit që luhet të dielën në stadiumin “Fadil Vokrri” në kryeqytet.

Ballkani do të vizitojë Anamoravën për t’u ndeshur me Gjilanin, ndërkohë që në udhëtim luan edhe Drita te Dukagjini.

Në takimet tjera, Feronikeli ’74 pret Malishevën, kurse Liria luan si mysafire e Fushë Kosovës.

Të gjitha takimet luhen me fillim nga ora 13:00.

Orari dhe çiftet e plota:

E shtunë:

Gjilani – Ballkani

Feronikeli ’74 – Malisheva

Fushë Kosova – Liria

E diel:

Prishtina – Llapi

Dukagjini – Drita./Lajmi.net/