Real Madridi u turpërua sonte duke pësuar humbje të thellë nga Girona, në kuadër të javës së 31-të në La Liga.

“Mbretërit” pësuan 4:2 nga Girona, me katër golat e fitores për vendasit të realizuar nga sulmuesi Castellanos.

Trajneri i Real Madridit, Carlo Ancelotti u shpreh i zhgënjyer me futbollistët e tij pas ndeshjes.

“Kjo ishte një nga netët më të këqija. Shumë e vështirë”, deklaroi i zhgënjyer Ancelotti fillimisht.

“Të gjithë janë fajtorë, të gjithë ishin të këqij. Nuk do të flas për individë. Të gjithë luajtën nën nivelin e tyre. Në mbrojtje, ishim të tmerrshëm. Vërtetë të tmerrshme. Ishim nervozë, nuk po fitonim duelet”.

“Ajo që patë nuk ishte një ekip. Ne u kërkojmë falje tifozëve. Kjo nuk ishte një lojë ekipore. Kur luajmë si ekip, ne mund të mposhtim këdo. Kur nuk luajmë, kjo ndodh” – tha trajneri Carlo Ancelotti, njofton Marca, transmeton lajmi.net.

Me këtë humbje, Real Madridi thuajse i ka shuar gjasat për titull të kampionit. Los Blancos zë vendin e dytë me 65 pikë, 11 më pak se Barcelona lidere.

Girona është e nënta me 41 pikë të grumbulluara./Lajmi.net/